الخميس، 17 يوليو 2008

أجمل التهانى


أتقدم إلى كل إبن وكل إبنة من أبنائى وبناتى
الذين إجتهدوا وبذلوا وتعبوا ولم يقصروا
ثم إجتازوا إمتحانات الثانوية العامة بنجاح
مهما كانت درجاتهم وما حصلوا عليه من مجاميع
فإن المقياس الحقيقى هو ما حصلوا عليه من معلومات
وما يقيمون هم ومن حولهم به مقدار الاجتهاد فى تحصيل العلم
فإن الشعور الحقيقى بالتميز يجلبه ذلك الشعور الصادق مع النفس
والذى يمنحهم الإحساس بالرضى عن أنفسهم
فقد تحوز درجات عالية ليست من صنعك
تذكرك دائما انها ليست من حقك
وقد تكتسب درجات أقل هى جهدك وصناعتك
فعليك أن تكون فخورا بها
راضِِ عن نفسك
مادمت تعلم أنك لم تقصر
وتلك هى طاقتك
فلم يخلق الله الناس متشابهين فى الملكات والقدرات
ولكنه سبحانه وزعها عليهم بالعدل
فما يميزك قد لا يكون لدى أقرانك
وما يميزهم قد يختلف عنك
عليك إذاَ أن تحسن التعرف على ما يميزك
وتوظفه جيدا لصالحك
ثق فى إمكانيتك وتوكل على ربك
فإنه لن يخذلك ولن يضيعك
إختر الكلية التى تحب دراست موادها
وليست التى تحب ما تحققه لك من وجاهه وهمية
فلن تتقن أو تبدع فى ما لا تحب
ليس مهما أن تدخل أىَ مما يسمى كليات القمة
ولكن مهما أن تكون قمة فى الكلية التى ستدخلها إن شاء الله
تمنياتى للجميع بالتوفيق فى الإختيارللكلية التى تناسبه
وأن يحقق فيها أمانيه وتميزه

هناك 35 تعليقًا:

آلاء محى يقول...

اووووووول تعلييييييييق


الف مبرووووووووك ياخالتو لاولاد حضرتك

ودايما بالتوفيق والنجاح ان شاء الله

والف مبروك لكل الطلبة اللى اجتهدوا وحققوا نجاح اسعدهم واسعد والديهم

اجمل فرحة هى فرحة النجاح


على جنب كده ياخالتو وحشتينى جدا جدا جدا

أم أحمد المصرية يقول...

صديقتي ايمان
الف مبرووك للاولاد
متهيألي التدوينة الحلوة دي معناها انك مبسوطة و انهم حصلوا علي درجات حلوة
ربنا يوفقهم يارب و يحقق لهم ما يتمنون
و يحقق لك امالك فيهم

أنفاس الصباح يقول...

الله يبارك فيك يا لولا
انت كمان وحشانى قوى
ربنا يكرمك
ولا يحرمنى من رقتك وذوقك

أنفاس الصباح يقول...

اهلا أختى الحبيبة /ام أحمد المصرية
الله يبارك فيك ويكرمك
فعلا الحمد لله
أنا مبسوطة وفخورة بعمر وياسر
لانهم تعبوا فعلا وعملوا الى عليهم
عمر حصل على 98.3%
وياسر فى ثانية رياضة حصل على 85%
عمر لا يحب دراسة الطب ويفضل الصيدلة
رغم ان مجموعة يمكنه من اللحوق بأى منهما
وياسر يتمنى دراسة الهندسة وان شاء الله يحقق ما يتمنى العام القادم
عقبال أحمد وأخواته وكل مجتهد صالح لمجتمعه
تقبلى تحياتى

حسن حنفى يقول...

الف مبروك لكل الناجحين
ولازم نرضي لقضاء الله

أخـــ مسلمة ـــت يقول...

ألف مليووووووووون مبرووووووووووووووووك

بارك الله فيهما
ووفقهما الي ما يحبه ويرضاه

يارب دايما متفوقين

أنفاس الصباح يقول...

الابن الفاضل/حسن حنفى
جزاك الله خيرا
والف مبروك نجاحك
وربنا يوفقك فى ثالثة
وتحقق كل أمانيك

أنفاس الصباح يقول...

أخت مسلمة
أهلا بيك
منورانى
الله يبارك فيك ويكرمك
وجزاك الله خيرا

فزلوكة يقول...

ألف مليووون مبروك يا خالتو لأولاد حضرتك

ووبصراحة الأمهات هما إللى بيتعبوا فى الموضوع دا كله

فمبارك ليكى يا خالتو

وبجد مفيش أحلى من إن الإنسان يختار الكلية إللى عايزها بجد
مش إللى المجتمع والتنسيق يفرضها عليه

ربنا يوفق الجميع إن شاءالله

غير معرف يقول...

يتشرف موقع شرقاوى اون لاين بعقد ندوة بعنوان
آداب الخطوبة وفنون الاختيار

مع الدكتورة إيمان عزب الاستاذ بكلية الصيدلة

وذلك يوم الاثنين القادم في تمام الساعه 8.30 مساءا


http://sharkawyonline.net/vb/showthread.php?t=14166

صريح أوي يقول...

السلام عليكم
مش عاوز اقول
ألف مبارك ويا جمال النجاح ، ودايما شريف وفي عز ، لكن أقول
لأنه كان مجتهد وعلي الكتاب عاكف ، وللخير مهدي فكان شاطر، ومن الذنوب عريان ،ولربنا حامد ، وللخير مرسي ، لأنه كان دايما في رشاد ومن صفاته إنه أمين ،بيحب الخير له وللغير ..
علشان كده ربنا وفقه في امتحانه
ألف مبروك يافندم
لأولاد حضرتك
مع إنها جاية متاخرة بس معذرة

أنفاس الصباح يقول...

اهلا يا زهراء
الله يبارك فيك يا حبيبتى
جزاك الله خيرا
دعواتك لهم

أنفاس الصباح يقول...

موقع شرقاوى
أهلا بيكم
على فكرة هى إسمها إيمان العزب
وليس عزب
وهى ليست أستاذ ولا حاجة
خريجة صيدلة وبس
شكرا للأستضافة
ربنا يوفقنا لما فيه مرضاته

أنفاس الصباح يقول...

اهلا بك أخ صريح قوى
وعليكم السلام
الله يبارك فيك
جزاك الله خيرا
دعواتك

محمد بدر يقول...

دائما تتحفينا بالجديد والمتميز والرائع
الف مبروك لاخواني عمر وياسر ويارب الي الأمام دائما
وأنا أويدك في موضوع الاستقلالية وان الفرد لابد عليه ان يختار مجاله بنفسه
لأنه هو الذي سيدرس ليس ابيه ولا امه ولا اخيه ولا الذي اشار عليه
فنترك الحرية لأبنائنا في اختيار أقسامهم وكلياتهم وأهدافهم
وواجبنا فقط ان نحاورهم ونبين لهم الايجابيات والسلبيات ونفتح مجال للحوار واذا رأي الطالب تلك المساحة الحوارية غالبا يقتنع بالصواب
ثانية أحييكي علي هذا الموضوع الرائع المتميز

Abdallah Hosni يقول...

100000000000000000

مبروك لأولاد حضرتك وان شاء الله يكونوا خادمين للإسلام والمسلمين بعلمهم

وعقبالنا كده احنا كمان

أنفاس الصباح يقول...

أشكرك ياأخ محمد
الله يبارك فيك
وتمنياتى للوالدة بالشفاء
شكرا لمرورك الكريم

أنفاس الصباح يقول...

10000000000000000000000000000000000
شكر يا أخ عبد الله
وبارك الله فيك
ويارب عقبال نتيجتك المفرحة

Hosam Yahia حسام يحيى يقول...

الف مبروك لاولاد حضرتك يافندم

ربنا يوفقهم دايما يارب

:)

Unknown يقول...

ألف مليون مبروك ياخالتو

يارب دايما في نجاح وسعادة

ربنا يكرمهم ويرضيهم ويبارك فيهم ويجعلهم واياكم سبب لنصرة الدين

معلش متأخرة ... ظروف الدراسة

دعواتكم

لؤلؤة الاسلام يقول...

1000مبروووك يا خالتو لعمر و ياسر و الى التفوق دائما و ان شاء الله يقر عين حضرتك و عمو بيهم و شكرا

الحسيني يقول...

الف مليون مبروك لأولاد حضرتك
ربنا يتقبل منهم ومنكم الجهد والتعب
ويجعله خالصاً لوجهه الكريم
وينفع به ويجعله علماً من أعلام الإسلام

.:.-=- ELGaZaLy-=-.:. يقول...

الف مبروك لابنائك بس انا شايف اصلا ان نظام التعليم فى مصر نظام فاشل,,,
فاحنا بنهنيهم من انتقالهم من فشل صغير لفشل كبير...المهم بلاش ىاحباط الف حمدالله على سلامتك ومبروك ليهم

الدرعمي يقول...

السلام عليكم

اسمحي لي أن أتقبل التهنئة

لأني من الناجحين ولله الحمد والفضل والمنة

فقط أود التنبيه إلى شيئين

أولها الهمزات الكثيرة في غير موضعها

وفي كلمات مشهورة لا ينبغي أن تكون بها همزات

كابن وابنة واجتازوا وامتحانات

هذا مثلا لا حصرا لبعض السقطات الإملائية

وثانيهما أني كتبت ردا على تعليقك

في مدونتي

وفيه أسئلة لك ِ لم تجيبيني عنها


تحياتي


آدم

أنفاس الصباح يقول...

الاعزاء
حسام يحي
نور
خديجة محسن
الحسينى
الغزالى
أشكركم على تهنئتى بنجاح أولادى
جزاكم الله خيرا
وبارك الله فيكم جميعا
وبلاش إحباط يا غزالى مازال هناك أمل
سلمك الله وبارك فيك
...................
الابن الفاضل/آدم
ألف مبروك نجاحك
ويارب دائما من الناجحين
أشكرك على التصحيح
وياريت تكمل الباقى علشان أصحح كله
عدت من عندك الان وأجبت على أسئلتك
هناك
والاختلاف فى الرأى لا يفسد للود قضية
شكرا لمرورك الكريم

ادم المصرى يقول...

ربنا يخلهملك ويجعلهم ديما فى الاوائل يارب ويفرحك بيهم وان شاء الله تشفيهم فى اعلا مئام يارب

أنفاس الصباح يقول...

آدم المصرى
شكرا على مشاعرك النبيلة
وكلماتك الرقيقة
بس بجد لو آدم النحوى شاف
كلمة مئام دى
ما كنش لامنى على الهمزات الكثيرة
الى فى غير موضعها
سعدت بمرورك الكريم

انى احبكم فى الله يقول...

انا صديقه جديده اسمى رنا ياريت تزورى دونتى واحب ان اقول لككى ان مدونتك رائعه
http://loveinallah3000.blogspot.com/search?q=%D8%A7%D9%84

يمنى يقول...

خالتو ايمان

ألف مبروووووووووووووك يا خالتو لاولادك .... و لجميع اولاد المسلمين

معلش انا عارفة انها متاخرة شوية

"النجم القادم" يقول...

السلام عليكم

الف الف الف الف الف مبروك

اخواتى الصغيرين نجحوا احمدك يااااااارب

الحمد لله والشكر لله

وربنا يوفقهم ويكرمهم يارب

ويدخلوا الكلية اللتى تمنوها اللهم امين

وانا عاوز الحلاوة

ام يحيي يقول...

الف الف مبروك لعمر وياسر

ربنا يوفقهم لكل خير ..

داموا مبدعين عاملين للاسلام في أي مجال باذن الله

أنفاس الصباح يقول...

الامورة رنا
زرت مدونتك الجميلة
واتمنى نتعرف ببعض فى عالم الحقيقة
وليس فقط العالم الاليكترونى
سأنتظر زياراتك وتعليقاتك دائما
سعدت بزيارتك جدا

أنفاس الصباح يقول...

اهلا يمنى
الله يبارك فيك
خلينا نشوفك
وحشتينى

أنفاس الصباح يقول...

النجم القادم
الله يبارك فيك
ربنا يكرمك
الحلاوة أرسلتها
دعوة بظهر الغيب
ربنا يوفقك ويحفظك ويحقق أمانيك

أنفاس الصباح يقول...

اهلا أم يحى
نورتينى
أشكرك
وربنا يوفقك وينفع بك الاسلام
سعدت بمرورك الكريم