إننا سنقوم بمراجعة كل الإجراءات الخاصة بأعمال الإمتحانات رغم أننا كنا وما زلنا نقوم بإستطلاع رأى الأمن فى كل الأشخاص الذين يتم إنتدابهم لأعمال الإمتحانات ،بدءأَ من اللجنة التى يتم إختيارها من ثلاثة أفراد : مستشار وموجه ودكتور فى المادة لوضع إمتحان الثانوية ،مرورا بالأشخاص الذين يتم إنتدابهم للعمل داخل المطبعة السرية وصولا إلى المسئولين عن أعضاء مراكز توزيع الأسئلة ورؤساء اللجان وأعضاء الكنترولات الذين يتم تغيير 25%منهم كل عام ، وكل هؤلاء إذا إعترض الأمن على أحدهم يتم إستبعاده مباشرة ....كان هذا جزء من تصريحات أدلى بها الدكتور يسرى الجمل _وزير التربية والتعليم_ لجريدة الدستور
الصادرة يوم الأحد الماضى بتاريخ 29 يونيو العدد394
وأترك لحضراتكم
التعليق
ياترى لا حظ أحد الصورة وإكتشف مدلولها؟
.دققوا النظر فى تفصيلها
أرجوا من ضيوفى الكرام التعليق على الموضوع السابق لأنه جديد وتم تنزيله مع هذا الموضوع فى نفس الوقت
هناك 36 تعليقًا:
ما هو الأمن مابيوافقش إلا على أمثالهم من الحرامية واللصوص وهلم جرا
فلو الامتحانات ماتسربتش
هايبقى فيه حاجة غلط!!!؟؟؟
لا تعليق إلا اننا نعيش في دولة
سمك ... لبن ..تمر ... هندي..إلخ
مش مشكلة إن الوزير يصرح إنه يراجع أو مش يراجع المشكلة إنه فعلا يتحرك ويعمل حاجة ..
بجد بجد .. الموضوع زاد عن حده
جزاكم الله خيرا
ماعادش حد عنده دم من الوزرا للأسف .. كل يوم يطلع وزير يعترف بتبعيته للأمن بصراحة .. سبقه هانى هلال وزقزوق ... الكلام ده معروف بس اللى اختشوا ماتوا
آسف على اللغة الركيكة .. بس ضغطى عالى من اللى بيحصل
اهلا بك أخ بلال
زائرا للمرة الاولى
حقيقى نورتنى
فعلا تسريب الامتحانات بديهى لمن يزور الانتخابات
للاسف هذا الجهاز سيئ السمعة جدا
ربما اكثر من اى جهاز اخر
فهو يمثل البودى جارد لمافيا الفساد فى مصر
لم اجد للاسف قدرة على استخدام ترجمة عربية لكلمة بودى جارد لانها فى رأى
ستسيئ للغة.
مرحبا بك أخ صريح
اطمئن اذا كان على انه يعمل حاجة فهو بيعمل كتير
المهم ماذا ولصالح من؟!
اهلا بك ابن المبارك
هون عليك
الاستعانة بأى جهاز داخل الدولة لصالح الشعب لا غبار عليه
المشكلة ان كل الاجهزه ممكن تجامل اى حد الا المواطن!
ان الذى يرتضى ان تُزور ارادته قلا يبالى ،
ليس له ان يُطالب بحقوق فهى لا تعنيه اصلا !
دعوة لحضور المناقشة المفتوحة لمدوني الشرقية عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء يوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين
http://www.sharkawyonline.com/Articalshow.asp?NewsID=2223&Categories_ID=17
ممكن يا خالتو تدخلي تشوفي الاعلان ده
ولو سمحت ممكن تنزليه في المدونة عند حضرتك
http://khadega2000.blogspot.com/
دعوة مقبولة بإذن الله
الى الامام دائما يا موقع الشباب
دخلت يا يمنيتى
وانت وضعتى الاعلان بمجرد وضع الرابط هنا
لكن فين تعليقك على التدوينة؟
اول مرة اعرف ان الامن بيدخل حتى فى الثانويه العامه لا حول ولا قوة الا بالله,,,
جزاكم الله خيرا
معقول ياراحلة!
كان لازم تكتشفى لوحدك
ان فيه أنواع منهم بيدخلوا كليات مرموقة ويكونوا كمان أعضاء هيئة تدريس بمجميع عالية، منين يعنى؟
ومراكز اجتماعية متميزة
كل ده للمحافظة على الامن
أمن الحزب الحاكم طبعا
على فكرة والابتدائية والاعدادية كمان.
حضرتك الموضوع اسمه
بدون تعليق!
إذن انا مش هاعلق....:)
الامن ده لايتدخل الا فى مثل هذه الامور
"الحرامية "على امثالها "تسرق"
ــــــــــــــــــــ
جديدي جااااااااااى فى السكة
اهلا أخ عبد الله
بدون تعليق دى لى أنا
أما ضيوفى فمدعون للتعليق
وانت لم تقول ماذا لاحظت فى الصورة؟
.............
فى انتظار جديدك الى لسة جااااى فى السكة.
الغريب فى الموضوع ..لماذا الآن؟؟
يعنى التسريبات تحدث من ثلاث سنوات
لماذا الآن نكتشفها ونعطيها كل هذا الزخم الإعلامى ؟؟
أما بالنسبة لتصريحات السيد الوزير
فإنه بتدل على أن عصا الأمن أقوى من عصا الكفاءة والأمانة
وأن مكتب ظابط أمن دولة أهم بكثير من مكتب أستاذ جامعى أمين وكفء
هوا أنا مش قوبة الملاحظة أوى
بس يعنى فهمت شيئا ما من الصورة
بخلاف التوقيع
مرحبا فزلوكتى
قبل السفر بدقائق
الحق ارد عليك
الصورة لجنة انتخابات
تشبه لجنة الامتحانات
المزور يضع مجموعة من اوراق الاستفتاء ليقوم بتسويدها بدلا عن المواطنين
ليزور ارادتهم ويغير النتيجة
نفس اليد التى تفعل ذلك
هى التى تسرب الامتحانات
حسب تصريحات الوزير
لتغير النتيجة أيضا
التزوير والتسريب
من نفس المصدر ولنفس الهدف.
استودعكم الله .
السلام عليكم
كيف حالك أختى الحبيبة
بقى آجى ألاقيكى سافرتى
ربنا يحفظك يا حبيبتى وترجعى بالسلامة ان شاء الله
--------
بالنسبة للموضوع فرغم كل ما يحدث لدى بارقة أمل
لأن التسريب والتزوير والفساد وكل ده كان بيحصل دايما مش لسه جديد السنة دى
الأمل اللى عندى انه كله دلوقت بيتكشف .. وده دليل على وجود الكثير من الشرفاء الرافضين للفساد فى مصر
وبإذن الله مصر بكره أجمل
ربنا يعينك ويوفق أولادك ويعوضهم خير فى النتيجة بإذن الله
دمتى بكل الخير والصحة والسعادة
سالى
تحيا مصر بناءه !
ويحيا الامن المصري
ويموت الطلبة
او العبيد !
اهلا وسهلا سالى
وحشتينى جدا
ها انا عدت يا حبيبتى
اشكرك لزيارتك ودعائك الجميل
احب التفاؤل والامل فى غدا افضل
ولكنى اعتقد انه بحاجه الى صانعيه
ووجود الشرفاء مؤكد فى كل زمان ومكان
ولكنهم اكيد بحاجه الى دعم ونصره
اتمنى من الله ان يجمع الاخيار على كلمة سواء ويوحد جهدهم ليؤتى ثماره
شرفتينى ودائما يارب منورانى
اهلا اخ طارق
تأكد أن مصر ستحى
وان الامن المصرى الحقيقى سيتحقق
ولن يموت الا الخونةوالفاسدين
ولن نُستعبد لاحد الا المولى عز وجل
شرفتنى بالزيارة
وفقك الله وحقق امانيك
مش باين اوى ايه اللى فى الصورة
مجرد ورقة بتتمضى
اهلا موناليزا
كيف حالك،وحشانى..
الصورة باين فيها مجموعة ورق تشبه التى فى يد الشخص الممسك بالقلم
الورقة فى يده فيها دائرتين متشابهتين
ما عدا اللون
الا تذكرك بشئ؟
يعنى الم تريها من قبل؟
سؤال بمعنى أخر،
هل ادليتى بصوتك فى اى انتخابات او استفتاءات من قبل؟
على اى حال مش هو ده موضوعنا
ايه رأيك فى تصريح الوزير؟
فى انتظار ردك عزيزتى.
بسم الله الرحمن الرحيم
حقيقة إننى فى حيرة هل أبدأالتعليق بطريقة ساخرة أم أتحدث بشكل مباشر
فلتكن إحداها
هذه البلد لا بد أن تصان من أهلها الذين لا يعرفون مصلحتهم جيدا فيجب الأخذ علبى أيديهم وتحديد من يمثلهم لأنهم لا يستطيعون أن يميزوا بين الصواب والخطأ فهذا الشعب شعب طيب لا يعرف أين مصلحته و لأنه شعب طيب فستضطر الحكومة إلى تحديد وجهته حتى لا يضيع بين آراء أهله ومفكريه و من يحاولون تضليله وسوف تبذل الحكومة كل جهدها من أجل تحقيق هذا الهدف حتى ولو اضطرت إلى استخدام أصحاب السوابق و من ليس لهم أصوات ليكونوا هم ممثلى الشعب فالمصلحة العامة أهم من مصلحة الشعب
الاخ الفاضل استاذ/أحمد
احترت فى البداية هل اخترت السخريه ام الكلام المباشر؟
واعتقد انك تسخر
لان من غير المعقول ان يكون التزوير
وتكميم الافواه مصلحة عامة
ومصلحة الشعب هى المصلحةالعامة
اما المقدم الان هو مصلحة فئة محددة على حساب شعب بأكملة
شكرا لمرورك
السلام عليكم
مصر بلد الأمن
مصر دولة امن
مصر امن الدولة
هو فيه في البلد دي حاجه بتتعمل من غير علم امن الدوله ربنا ي.......هديهم
السلام عليكم
موضوع التسريبات دى وراها مغزى
وهو شغل الناس باى موضوع لكى تسكت الناس
عن تصدير الغاز وغلو الاسعار والزيادة فى اسعار الحديد والاسمنت
وكل اللى بيحصل فهم بيشغلوا الناس بحاجه علشان الناس تسكت
حسبنا الله ونعم الوكيل
ولا تحسبن الله غافلا عما يعمل الظالمون
اخوانى وبحب بلادى
وعليكم السلام
آمين
ربنا ى..........هديهم
شكرا لمرورك
النجم القادم
وعليكم السلام
ضحكت من كلمة( تسكت)
هو حضرتك سمعت حد إتكلم!
فعلا حسبنا الله ونعم الوكيل
بس يارب منكنش بنحسبن على نفسنا معاهم
شكرا لمرورك
:d
وكم ذا بمصر من المضحات ولكنه ضحك كالبكا
...........
لاتعليق افضل
معذره علقت بحساب تانى
وحمد لله على سلامه رجوع حضرتك
:)
اهلا يا حسام او يا عمر
الله يسلمك
جزاك الله خيرا
ياترى اخبار النتيجة ايه
مبروك على اى حال
لغتنا حياتنا
الانسان تتحدد هويته من لغته
تقبلوا مروري
السلام عليكم
مدونتك جميله وهادفه
ويارب اعزنا بالاسلام
وموضوع الثانويه العامه من اوله لأخره موضوع مهضوم ألاف المرات
يعنى الكلام فيه لا هيقدم ولا هيأخر
ربنا يكون فى عون الطلبه
دمتى فى تألق وأدمان الله عليكى وعلينا نعمه الاسلام والايمان
وفى رعايه الله
الأخ حسن حنفى
الأخ زيزو
سعدت بمروركما
تمنياتى لكما وللجميع بالتوفيق
انا صديقه جديده
واحب ان اشكرك على الموضوع وياريت تزورى مدونتى لاسمع تعلقك بها
انالله وانا اليه راجعون
اصبحنا في بلد لادين ولاعقل ولا قانون يحكمها
فقطالسوط والترهيب وما يسمونه الامن
حتى مستقبل البشر يلوثونه
انالله وانا اليه راجعون
جزاكي الله خيرا خالتو ايمان
اني احبك في الله
إرسال تعليق